Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "Əlil Sahibkarlar Təşkilatı” İctimai Birliyinin həayat keçirdiyi ("ƏST”İB) "Əlillərin sahibkarlıq fəaliyyətinə təşviq edilməsi məqsədi ilə təlimlərin keçirilməsi” layihəsi çərçivəsində daha bir təlim-seminar keçirib.

Təlim seminarda Azərbaycan Respublikası Kənd Təsərrüfatı Nazirliyi yanında "Kənd təsərrüfatı kreditləri üzrə Dövlət Agentliyinin” baş məsləhətçisi Rüfət Mustafayev "Yerli və xarici bazarlara çıxış imkanlarının təminatı” mövzusunda çıxış edib.

Sonra tədbir iştirakçılarına Kənd Təsərrüfatı Nazirliyinin xətti ilə son dövrlərdə dövlət siyasətinə uyğun olaraq əldə edilmiş nailiyyətlər barəsində ətraflı məlumat verilib.

Tədbirdə, həmçinin Avropa oyunlarına dəstək kaolisiyasının Mətbuat Xidmətinin rəhbəri, Beynəlxalq Münasibətlərin Araşdırılması Mərkəzinin sədrinin müavini, Milli Qəhrəman Mübariz İbrahimov adına Gənc Nəqliyyatçılar klubunun sədri Fuad Rəsul, "Əlil Qadınlar Cəmiyyətinin” Sumqayıt Regional şöbəsinin sədri Səbinə Kərimova , "İnsan Hüquqları və Maarifçilik " İctimai Birliyi” nin sədri Rəfael Becanov və KİV nümayəndələri də qatılıblar.