Sumqayıt şəhər Gənclər və İdman Baş İdarəsi  N saylı hərbi hissədə 26 İyun – Azərbaycan Respublikasının Silahlı Qüvvələr Gününə həsr edilmiş "İgid əsgər möhkəm dayan!”adlı bədii-əyləncəli bayram tədbri təşkil edib.

Hərbi hissənin komandirinin müavini mayor Emin Şərabçiyev hərbi hissəyə mütəmadi diqqət və qayğısına görə şəhər rəhbərliyinə dərin minnətdarlığını bildirərək, dövlətin etimadını bundan sonra da doğruldacaqlarını qeyd edib. O, Gənclər və İdman Baş İdarəsinin nümayəndəsinə Baş İdarənin kollektivinin təltif edilməsi barədə hərbi hissənin Fəxri fərmanını təqdim edib.

Gənclər və İdman Baş İdarəsinin rəis müavini Mübariz Bəşirov şəxsi heyəti bayram münasibətilə təbrik edərək ölkə rəhbəri, Ali Baş Komandan  İlham Əliyevin ordu quruculuğuna göstərdiyi diqqət və qayğısından, gənclərin vətənpərvərlik ruhunda tərbiyə olunması, gənclərin hərbi xidmətə hazırlanması sahəsində görülən işlərdən danışıblar. O, ölkəmizin hələ də müharibə vəziyyətində olduğunu, ərazisinin 20%-nin işğal olunduğunu qeyd edərək belə bir şəraitdə ordu quruculuğunun önəmli olduğunu vurğulayıb.  O, hərbi hissənin şəxsi heyətinə xidmətdə və şəxsi həyatda uğurlar arzulayıb.

Tədbirin bədii-əyləncəli hissəsində gənc müğənnilərin ifa etdiyi mahnılar, rəqs havalarıalqış sədaları altında dinlənilib.

Sonda hərbi hissəyə Baş İdarənin hədiyyələri təqdim edilib.