Hər dövrün və zamanın öz diktəsi və özünəməxsus dəyərləri var və zaman dəyişdikcə özünün həmdövrü olan insanına diktəsiniı və dəyişən dəyərlərinə uyğun tələblərini də dəyişmiş olur. Amma hər zaman üçün dəyişməyən və bütün dövrlərdə dəyərdə olan bir nəsnə vardır, bu, informasiya, bilgi və xəbərdir. Dəyişən isə bu dövranın sakinləri olan biz insanların zamanın tələbinə görə həmin məlumat və bilgi mənbələrinə çevik yetişməsi istəyi və o, mənbənin daşıyıcılarına sürətlə və çevik yetişə bilməmizdə rolu olan vasitələr oldu.

Əgər, min il öncə, zamanının söz sahibi olan insana görə daş və ya gil üzərinə həkk edilmiş məlumat dəyər daşıyırdısa, artıq orta əsrlərdən dövrümüzün 20 – ci əsrinə aid insanına görə papirus kağızı, kitab şəklinə salınmış vərəqlər informasiya, məlumat ötürücüsü idi. Nəhayət, elm, texnologiya, sürət dövrü, 20 – ci əsr öz inkişaf sürətinə görə vacib olan meyarlarını və dəyərlərini önə çəkincə, televizor və kompüterlər evimizin qiymətli əşyası və həyatımızın ayrılmaz hissəsi olmuş oldu. Bu gün hər hansı, özünə hörmət edən müəssisəni, qürumu, şirkəti və bu müəssisələrdə çalışan insanımızı kompyutersiz və onun davamçısı olan mobil telefonsuz təsəvvür etmək mümkün deyil.

Lakin bütün bunlar yoluna çıxanı məhv etməyə qadir olan möhtəşəm aysberqin, sadəcə görünən hissəsidir. Bu möhtəşəmliyin mərkəzində internet və mobil operatorlar durursa, onun hərəkət qüvvəsi yeni düşüncənin daşıyıcısı olan sayt adminləri və provayderlərdir. Bəli, bu günün insanını internetsiz və mobil telefonsuz təsəvvür etmək mümkün deyil və dayanmadan biz, adminlərin bizə ötürdüyü məlumat və informasiyaları bu texniki vasitələrin köməyi ilə əldə etmiş oluruq. Bu gözə görünməz ordu bizi məlumatlandırmaqla yanaşı, bizim yaşam tərzimizdə, işimizdə, məişətimizdə bizdən asılı olmayaraq öz töhfəsini vermiş olur. O, istənilən an bizi məlumatlandıracaq, yol göstərəcək və doğru məsləhətləriylə yanımızda olacaq zamanımızın dəyərlərindən biridir. Məhz bu səbəbdən, bizim üçün internet saytlarının yükünü çəkən admin komandasının tərkibi və onların kimliyi önəmlidir.

Bu gün sosial şəbəkədə və internetdə mövcud saytların sayı çoxdur və bizim qarşımızdakı bu çoxluqdan öz seçimimizi edirik. Sözsüz ki, seçim etməkdə hər kəsin özünə görə fərqli kriteriyaları , həyata yanaşma tərzi , dünya görüşü, peşəkar baxışları və tələbləri vardır. Və sayt olaraq, sosial şəbəkədə fəaliyyətini quran admin komandasının peşəkarlıq səviyyəsindən savayı istifadəçilərə görə önəmli olan keyfiyyət tərəfləri də vardır ki, məhz bu göstəricilərə görə biz öz sevimli saytımızı, yol yoldaşımızı və məsləhətçimizi seçmiş oluruq.

Hər bir sayt üçün vacib olan, peşəkarlıq və keyfiyyət göstəricisi ilk növbədə operativlik, qərəzsizlik ,təqdim etdiyi məlumatların yığcamlığı ilə yanaşı onun aparıcı qüvvəsi olan yaradıcı və texniki heyətin işinə vicdanla yanaşması və insani keyfiyyətləridir. Bütün bu müsbət tərəfləri "XEBERLE.COM” saytının simasında görmək olar.

Gənc olmasına baxmayaraq, fəaliyyət göstərdiyi qısa zaman kəsiyində "XEBERLE.COM” saytı virtual aləmdə öz həmkarları sırasında söz sahibi ola bilmiş və xüsusi çəkisiylə seçilərək ətrafında böyük oxucu və ziyarətçi kütləsi toplaya bilmiş.

"XEBERLE.COM” saytıyla sevə-sevə əməkdaşlıq edənlər sırasında vətəndaş cəmiyyətinin tərkib hissəsi olan və yarandığı gündən fərqli söz və nüfuz sahibi kimi seçilən "Əlil Sahibkarlar Təşkilatı” İctimai Birliyinin olması faktı da, təsadüfi deyil. Peşəkarların məkanı olan "ƏST” İB–yi təşkilati fəaliyyətində birinci gündən ortaya qoyduğu dəst–xətinə və ənənələrinə sadiq qalaraq, öz tərəfdaşlarını və tərəf müqabillərini çəkili və səviyyəsi ilə doğru məcrada olub, gələcəyin uğur zirvəsinə hədəflənmişlər sırasından seçir. Biz əminik ki, "ƏST” İB ilə "XEBERLE.COM” saytı arasında mövcud olan isti dostluq və əməkdaşlıq əlaqələri inkişaf edərək, gələcəkdə tərəfdaşlıq mərhələsinə qədəm qoymuş olacaq.

28 iyun, 2015–ci il tarixdə "XEBERLE.COM” saytının təsis edilməsinin üç yaşı tamamlanmış olur və "ƏST” İB ailəsi adında sevimli saytımızın yaradıcı kollektivini ildönümü münasibəti ilə təbrik edirik və gələcək fəaliyyətlərində daha böyük oxucu ordusunun sevgi və alqışlarıyla müşayiət olunan uğurlara imza atmasını diləyirik.

Mirzə Məmmədvəliyev,
"Əlil Sahibkarlar Təşkilatı” İctimai Birliyinin sədri