Avropa Oyunları artıq geridə qaldı... Bu möhtəşəm tədbirin həyata keçirilməsində könüllülərin əməyi danılmazdır.
Onların əməyindən bu gün də şəhərin müxtəlif sahələrində istifadə etmək məqsədəuyğundur. Məsələn: Gəliş-gedişin sıx olduğu yerlərdə iki-üç nəfərin küçənin ortasında dayanıb söhbət etməsi, qarşında gedən adamın qəflətən dayanıb ayaqqabılarını təmizləməsi, ictimai yerlərdə siqaret çəkilməsi, avtobusların istənilən yerlərdə saxlanılması, küçədə hara gəldi zibil atılması, harda gəldi lazımsız siqnalların verilməsi, küçədə etik normalardan kənar davranışların aradan qaldırılması və s. kimi məsələlərin aradan qaldırılmasında əlaqədar təşkilatlarla bərabər könüllülərin köməyindən də istifadə etmək olar. Necə ki, sovetlər dövründə bu kimi məsələlərin həllində "drujinnik"lər yaxından iştirak edirdilər...
Sadəcə Milli Məclis "Könüllülər haqqında" qanun layihəsi qəbul etməli və könüllülərə səlahiyyət verməlidir. Yaranacaq qurumun könüllüləri üzərlərinə düşən vəzifələrin yerinə yetirilməsi müqabilində mükafatlandırılmalıdır.
Ancaq bu halda şəhərimiz günbəgün sovetlər dövründəki kimi normal həyat ritminə qayıda bilər...

Rasim Mədəd
Xeberle.com