28 Aprel - Ümumdünya Əməyin Mühafizəsi günü ilə əlaqədar Bakı şəhərində Əmək və Əhalinin Sosial Müdafiəsi Nazirliyinin təşkilatçılığı ilə  «Kimyəvi mad¬dələr istifadə olunan iş yerlərində əməyin mühafizəsi»  mövzusunda konfrans keçiril¬ib.

Konfransı giriş sözü ilə açan Əmək və əhalinin sosial müdafiəsi naziri Səlim Müslümov Beynəlxalq Əmək Təşkilatı (BƏT) tərəfindən Ümumdünya Əməyin Mühafizəsi gününün təsis olunmasında məqsədin dünya ictimaiyyətinin diqqətinin əməyin müha-fizəsi kimi aktual bir məsələyə cəlb edilməsi olduğunu vurğulayıb. Respublikamızda son illərin göstəricilərinə əsasən, istehsalatda hər il 250-yə qədər bədbəxt hadisənin baş verdiyini, bu hadisələr nəticəsində dünyasını dəyişənlərin sayının 80 nəfərə yaxın oldu-ğunu qeyd edən S.Müslümov ölkəmizdə əməyin mühafizəsinin dövlətin sosial siyasətinin əsas məqsədlərindən biri olduğunu bildirib.  Azərbaycan Respublikası Prezidentinin 2011-ci il 15 noyabr tarixli 1836 nömrəli Sərəncamı ilə təsdiq edilmiş “Azərbaycan Respublikasının Məşğulluq Strategiyasının icrası üzrə 2011-2015-ci illər üçün Dövlət Proqramı”nın həyata keçirilməsi üzrə Tədbirlər Planında Azərbaycan Respublikasında əməyin təhlükəsizliyi və sağlamlaşdırılması üzrə Milli Strategiyanın hazırlanması nəzərdə tutulmuş, aidiyyəti dövlət orqanlarının və sosial partnyorların iştirakı ilə Strategiyanın layihəsi hazırlanaraq Nazirlər Kabinetinə təqdim edilib.

Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev çıxışında iş yerlərində sağlam və təhlükəsiz əmək şəraitinin yaradılmasının AHİK-in əsas fəaliyyət prinsiplərindən biri olduğunu qeyd edərək, təşkilatın bu istiqamətdə fəaliyyəti, onun nəticələri barədə məlumat verib.

Azərbaycan Respublikası Sahibkarlar (İşəgötürənlər) Təşkilatları Milli Konfederasi-yasının prezidenti Məmməd Musayev dinamik iqtisadi tərəqqi tempinə malik ölkəmizdə özəl sektora dövlət qayğısından söz açaraq, işçilər üçün təhlükəsiz iş şəraitinin yaradılmasının hər bir işəgötürən üçün ilk növbədə mənəvi borc olduğunu bildirib.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi Fuad Əlizadə konfransın mövzusuna uyğun olaraq, iş yerlərində kimyəvi maddələrdən istifadə halları və belə hallarda işçilərin həyat və sağlamlığına yönələ biləcək mənfi təsirlər, habelə bu təsirlərdən qorunmaq üçün zəruri mühafizə vasitələri barədə geniş təqdimatla çıxış edib.

Qeyd edək ki, konfransın mövzusu «Kimyəvi maddələr istifadə olunan iş yerlərində əməyin mühafizəsi»  olduğundan konfransda maraqlı stend və geniş nümayəndə heyəti ilə təmsil olunan “ARDNŞ”-in “Azərikimya” İstehsalat Birliyinə xüsusi diqqət ayrılıb.

1997-ci ildən bəri vətəndaşların əmək hüquqlarının təmin olunmasına dövlət nəzarətini həyata keçirən Əmək və Əhalinin  Sosial Müdafiəsi Nazirliyi tərəfindən bu qəbildən olan konfransların keçirilməsini təqdirəlayiq hal kimi dəyərləndirən “Azərikimya” İstehsalat Birliyinin İcraçı direktorunun Əməyin mühafizəsi və ətraf mühitin qorunması üzrə müavini Vüqar Kərimov konfrans iştirakçılarina Azərbaycan kimya sənayesinin dünəni, bu günü və sabahı haqqında geniş məlumat verib. Natiq qeyd edib ki,  bu gün «Azərikimya» İB-də istehsalatın bütün sahələrində işçilər üçün nor¬mal və təhlükəsiz, zərərsiz iş şəraiti yaradılmış, kimyaçıların sağlamlığına ziyan yetirə biləcək bütün texniki nasazlıqlar və insan həyatı üçün hər hansı bir şəkildə təhlükə doğura biləcək qüsurlar aradan qaldırılıb.

Təqdirəlayiq haldır ki, «Azərikimya» ARDNŞ-in tabeçiliyinə verilən¬dən sonrakı 4 il müddətində aparılan yenidənqurma, müasirləşmə işlərinin, istehsalat mədəniyyətinin və təhlükəsizliyin yüksək səviyyədə təşkili, müəssisələrdə bədbəxt hadisələrin, istehsalat qəzalarının və peşə xəstəliklərinin qarşısının alınması işlərinin planlı şəkildə həyata keçirilməsi  sayəsində bir fakt da olsun bədbəxt hadisə baş verməmiş, bir nəfər də olsun kimyaçı peşə xəstəliyinə tutulma¬mış¬dır. Bunun nəticəsi olaraq Azərikimya” İstehsalat Birliyinin kollektivi Azərbaycan Həmkar¬lar İttifaqları Konfederasiyasının “Sağlam və təh-lükəsiz əmək şəraitinin yaradılması üzrə ilin ən yaxşı müəssisəsi (təşkilatı)” devizi ilə 2012-ci ildə keçirilən respublika müsabi¬qəsinin qalibi olmuş və fəxri fərmanla təltif olunub.

Konfransda mövzu ilə bağlı geniş müzakirələr aparılıb.

Tədbirin sonunda “Azərikimya” İB-nin stendi ilə yaxından tanış olan Əmək və Əhalinin Sosial Müdafiəsi naziri Səlim Müslümov konfransın işində yaxından iştirak etdiklərinə və kimyaçılara yaradılan normal və təhlükəsiz iş şəraitinə görə Birlik rəhbərliyinə minnətdarlığını ifadə edib.