Sumqayıt şəhərində maraqlı nikah mərasimi keçirilib.
Belə ki, yeni ailə quran Elnur Hidatov və
Seyidxanım Əlişanova nikahlarını şəhərdəki Heydər Əliyev Mərkəzində
bağlamaqla yeni ənənənin əsasını qoyublar. Bəylə gəlin əvvəlcə Ulu
Öndərin Heydər Əliyev Mərkəzindəki büstünün önünə gül dəstələri qoyaraq
mərhum prezidentin xatirəsini ehtiramla yad ediblər.
Heydər Əliyev Mərkəzində keçirilən nikah mərasimində Sumqayıt Şəhər
"ASAN Xidmət” Mərkəzinin qeydiyyat şöbəsinin əməkdaşı müvafiq
qanunvericiliyin verdiyi səlahiyyətlərdən istifadə edərək Sumqayıt şəhər
sakinləri Elnur Hidatov və Seyidxanım Əlişanovanın nikahını qeydə alıb.
azvision.az
Xəbərdən istifadə edərkən istinad etmək vacibdir.
