Adətən insanlar avtobusa, qatara və ya təyyarəyə mindikdə özlərinin maksimum rahatlığını qorumaq istəyirlər . Ancaq onlar bilmirlər ki, rahatlıqdan daha vacib olan təhlükəsiz yerlər hansıdı.
Sizlərə bu yerlər haqqında məlumat vermək istərdik.
Mütəxəssislər nəqliyyatda qəzaları araşdırdıqdan sonra təhlükəsiz yerləri müəyyənləşdiriblər.
Marşrutda:
Bu gün insanların çox hissəsi marşurtdan istifadə edirl. Marşrut tez-tez dayandığı üçün nəqliyyatın ən təhlükəli növlərindən sayılır.
Marşrutda arxa yerlər təhlükəli olur . Çünki qəza olduqda əyləcin qəfil basılması nəticəsində ətalət qüvvəsi insanları önə atır və xəsarət alma ehtimalı da çoxalır.
Təhlükəsiz sayılan yerlərdən biri də salonun ortasıdır. Həmçinin pəncərənin yanında oturmaq da təhlükəli sayılır.
Böyük marşrutlarda sürücünün arxasındakı bir nəfərlik yer təhlükəlidir. Çünki qəza zamanı alın sürücünün arxasındakı qoruyucuya dəyə bilər. Bəzən bu qalın şüşə də olur. Bu zaman sərnişin baş zədələnməsindən həmən dəqiqə keçinə bilər.
Avtobusda:
Şəhərlərarası avtobus özü kifayət qədər təhlükəsiz nəqliyyat sayılır. Hər halda, onun da təhlükəsiz yerlərini seçmək lazımdır.
Avtobusun ən əvvəl, və ən son yerləri təhlükəli sayılır. Pəncərənin yanı da, şüşənin qırılıb arterial damarı kəsməsi təhlükəsinə görə təhlükəli sayılır. Ortadan sağ tərəfdə oturmaq məsləhətdir.
Təyyarədə:
Təyyarədə salonun hansı hissəsi qəza zamanı ölümdən qurtulmağa şans verir?
Zalın çıxışa yaxın 5 yeri təhlükəsiz sayılır.
Pəncərənin yanında oturanların 58% - i , çıxışa yaxın oturanların isə 65 % -inin sağ qalma ehtimalı var.
İngiltərə mütəxəssislərinin fikirinə görə, təyyarənin ön hissəsində oturanların 65% - nin sağ qalma ehtimalı var. ABŞ nəqliyyatının təhlükəsizlik üzrə milli şurasının statistikasına görə, təyyarənin quyruq hissəsində oturanların 69% - i, qanad hissəsində oturanların 56%- i, öndə, biznez-klass deyilən yerdə oturanların 49 %- i sağ qalır.
Qatarda:
Qatarda da təhlükəsiz yerlər istisna deyil. Uzaq səfər zamanı 1-ci və sonuncu vaqon təhlükəli sayılır. Orta vaqonlar və 5-ci, 6-cı kupe təhlükəsiz olur . Kupedə siz vaqonun istiqamətinə tərəf yataqdasınızsa, qəfil əyləc zamanı siz silkələnəcəksiniz, qonşu yataqdakı sərnişin isə yıxılacaq və onun zədələnmə ehtimalı daha yüksək olacaq. (atv.az)
Xəbərdən istifadə edərkən istinad etmək vacibdir.
