Valideyinlərə dəstək göstərən Bala.az saytı açılıb. İnsanlar bu internet ünvanında hamiləlik dövründən başlayaraq yeniyetməlik çağınadək övladlarını böyüdərkən qarşılarına çıxan suallara cavab tapa bilər.

İstifadəçilər saytdan faydalanmaqla bərabər şəxsi fotolarını da özləri buraya yükləyə bilərlər. Həmçinin, uşaqlara aid istənilən yeni və ya istifadə olunmuş əşyalarını Bala.az internet ünvanında satması üçün funksya var.

Saytın direktoru Ruzanna Rəşidqızı Bugun.az-a bildirib ki,, istifadəçilərə yüksək səviyyədə xidmət göstərmək üçün Bala.az-da hər şey düşünülüb: “Saytda “Həyat Xətti” bölməsi var ki, burada hamiləliyin ilk həfətlərindən yeniyetməlik çağına qədər uşağın istənilən dövrünə keçərək həmin çağla bağlı geniş məlumat almaq mümkündü”.

Saytda onlayn həkim və psixoloq xidməti göstərilir. İstifadəçilər suallarını verib, həmin gün cavablarını alacaqlar.

Burada məlumatlar yazıyla yanaşı izahlı foto və videolarla da verilir.

Bala.az “Media Fabriki” şirkətinin məhsuludur. Şirkətin başqa məhsullarından biri de Deyirman.com xəbər saytıdır.

Həmkarlarımıza uğurlar arzulayırıq.