56-cı Beynəlxalq Riyaziyyat Olimpiadasının nəticələri açıqlanıb. Bizim maraqlı olan bəzi ölkələr maraqlı pillələrdə qərarlaşıb: ABŞ beynəlxalq siyasətdə olduğu kimi burada da 5 qızıl 1 gümüş medal ilə öz super güc olduğunu təstiqləyib və 4 qızıl ilə 2 gümüş medal qazanan Çini qabaqlayıb. Növbəti pillələri də buddist məmləkətlər öz aralarında bölüşdürür. Gümüş və bürünc medallardan başqa Cənubi və Şimali Koreya hərəyə 3 qızıl, Vyetnam isə 2 qızıl medal əldə edib. Müsəlmanları 7-ci pillədə cənub qonşumuz İran təmsil edir və şimal qonşumuzu Rusiyanı 1 pillə qabaqlayır. Türk qardaşlarımız 5 gümüş medal ilə ancaq 20-ci yerə yüksəlməyi bacarıblar. Azərbaycan isə 2 bürünc medal ilə 48-ci pillədə qərarlaşaraq Qazaxıstandan başqa bütün Orta Asiya məmləkətlərini qabaqlayaraq bizi sevindirir, amma digər qonşumuz Gürcüstandan 6 pillə geridədir. Ən təəssüf doğuran fakt isə 1 gümüş və 5 bürünc medal qazanaraq 26-cı pillədə qərarlaşan əbədi düşmənimiz olan Ermənistandan düz 22 pillə geridə olmağımızdır. Ən təəccüb doğuran məqam isə Ermənistanın hətta Almaniyanı bir pillə qabaqlamasıdır. Ümumi təəssürat beynin inkişaf mexanizminin və intellektin səviyyəsinin birbaşa sosial-siyasi sistemin demokratik inkişaf pilləsindən və həmin sistemin əzələ yarışlarındakı uğurlarından asılı olmamasıdır.
Xəbərdən istifadə edərkən istinad etmək vacibdir.
