“Xətai Rayon Polis İdarəsinin rəisi Əkbər İsmayılov yaxın günlərdə işinə dönəcək”.  

 Bu sözləri “Axar.az”a Daxili İşlər Nazirliyinin mətbuat xidmətinin əməkdaşı Orxan Mansurzadə Xətai Rayon Polis İdarəsinin rəisi Əkbər İsmayılovun səhhəti ilə bağlı verdiyimiz sualı cavablandırarkən bildirdi.

 Onun sözlərinə görə, Ə.İsmayılovun vəziyyəti qənaətbəxşdir:   ”Hər şey qaydasındadır. Yaxın günlərdə xəstaxanadan çıxması gözlənilir. Bundan sonra işini davam etdirəcək”.   Ə.İsmayılov hazırda Daxili İşlər Nazirliyinin nəzdində olan A.Heydərov adına Respublika Hospitalında müalicə alır. Hospitaldan Ə.İsmayılovun səhhəti ilə bağlı məlumat almaq istəsək də, qəbul şöbəsi xəstələr haqqında məlumat verilmədiyini bildirdi.  

 Xatırladaq ki, Ə.İsmayılov aprelin 4-ə keçən gecə “Nobel” prospektində ağır avtomobil qəzasına düşüb və ayağı sınıb. Qəzanın maraqlı tərəfi isə polkovnikin avtomobili özünün idarə etməsi ilə bağlı qeyri-rəsmi xəbərlərdir. Məlumatda bildirilir ki, bu, Daxili İşlər naziri Ramil Usubovun ciddi narazılığına səbəb olub