Milli Məclisin spikeri Oqtay Əsədov parlamentin bu gün keçirilən plenar iclasında bəzi televiziyaları sərt tənqid edib.
AzVision.az-ın məlumatına görə, spiker bəzi televiziyaların parlamenti biabırçı vəziyyətdə təqdim etməsindən narazı olduğunu qeyd edib.
Onun sözlərinə görə, bəzi mətbuat, əsasən də televiziyalar var ki, Milli Məclisi rüsvay edir.
O.Əsədov buna görə millət vəkillərini qınayıb: “Aranızda elələri var ki, gedib həmin kanala müsahibə verirsiniz. Getməyin də...”
O. Əsədov mətbuata mesaj da yollayıb: “Çox təəssüf ki, Azərbaycan mətbuatında ürəkaçan heç nə görmürəm. Hərdən xəcalət çəkirəm. Öz- özümə deyirəm: Görəsən, bu, mənim millətimdir”.
Xəbərdən istifadə edərkən istinad etmək vacibdir.
