Hazırda ölkə ərazisində müşahidə olunan günəşli, yağmursuz və isti hava şəraiti yaxın 2-3 gün ərzində davam edəcək.
Bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova məlumat verib.
Onun sözlərinəm görə, havanın temperaturu Bakı və Abşeron yarımadasında gecə 22-26, gündüz 33-38 dərəcə isti olacaq, bəzi yerlərində 40 dərəcəyədək yüksələcək.
"Bölgələrdə də yağmursuz hava şəraiti bir neçə gün davam edəcək. Mərkəzi Aran rayonlarında və Naxçıvan Muxtar Respublikası ərazisində 35-40 dərəcə, bəzi yerlərdə 42 dərəcə isti müşahidə ediləcək. Dağlıq ərazilərdə isə temperaturun 28-33 dərəcə isti təşkil edəcəyi proqnozlaşdırılır”.
G.Məmmədova bildirib ki, yaxın 2-3 gün ərzində zəif külək gündüz saatlarında havada durğunluğa səbəb olur. Bu da meteohəssas insanlar üçün əlverişsiz hava hesab edilir. (publika.az)
Xəbərdən istifadə edərkən istinad etmək vacibdir.
