Sumqayıtda Suleyman Rəhimov adına Qubadlı rayon Ədəbi-İctimai birliyinin təşkilatçılığı ilə  kiçik kitab dükanına, lakin olduqca zəngin kitabxanaya sahib olan Siqurd  Xan Rəsuloğlunun müəllifi olduğu  “Vətəndəki ömrümüz” adlı kitabın  təqdimatı keçirilib.   Təqdimat mərasimində Sumqayıt ədəbi mühitinin nümayəndələri və müəllif də iştirak edib.

Təqdimatda bildirilib ki, Siqurd Xan Rəsuloğlunun bu kitabı, bir növ, əlli illik ömrünün poetik hesabatıdır. Şair öz şeirlərində və deyimlərində insan həyatının az qala bütün əbədi suallarına öz baxış bucağını yönəldə bilib, gəldiyi nəticələri bölüşüb. Kitab insanı, dünyanı və Allahı sevənlər üçün düşünülüb, yazılıb və nəşr edilib.

Qələm dostları X. Rəsuloğlu  və onun ədəbi yaradıcılığı  ilə bağlı fikirlərini söyləyiblər.

 Təqdimat mərasimində X. Rəsuloğlu S. Rəhimov adına Qubadlı rayon Ədəbi-İctimai birliyinin fəxri fərmanı ilə də təltif edilib.

Qeyd edək ki, ixtisasca filoloq olan, Yazıçılar Birliyinin üzvü Xan Rəsuloğlu 8 kitab müəllifidir. İlk şeir kitabı 1998-ci ildə “Taleyimə nə yazılıb görəsən?“ adı ilə çap olunub. Daha sonra “Ən ilahi möcüzə“, “Vətənim Yer kürəsi“, “Ümidlər zindan imiş“, “Sabahlara salam olsun“, “Cavid yaradıcılığında şəxsiyyət problemi“, “Kamyudan tərcümələr“, “Rusca şeirlər və aforizmlər“ kimi kitabları oxuculara təqdim edilib.

Türkan, xeberle.com