Sumqayıtda cari ilin 6 ayının sosial-iqtisadi inkişafın yekunlarına və qarşıda duran vəzifələrə həsr olunmuş hesabat yığıncağında bir çox maraqlı məqamlara toxunulub, plan və perspektivlərdən söz açılıb, tənqidlər dinlənilib. Şəhər icra hakimiyyətinin başçısı məmurları danlamaqla yanaşı, "Azərboru" ASC və "İntertekstil" ASC-nin rəhbərlərinə də öz narazılığını bildirib, həmin rəhbərləri şəhərdə sakinləri narazı salaraq onları piket keçirməklə bağlı suçlayıb. Eldar Əzizov söyləyib ki, məvaciblə bağlı problemləri həll etmək, insanlarla dil tapmaq lazımdır. Ən əsası isə problemin şişib belə səviyyəyə gəlməsinə rəvac verməməkdən ötrü bunu ilk olaraq icra hakimiyyəti səviyyəsində qaldırmaq lazımdır."Dəfələrlə demişəm ki, öncə hansısa problemi qaldırmaq, icra hakimiyyətini bundan xəbərdar etmək qabiliyyəti və vərdişi olmalıdır. Problem şişir, böyüyür, sonra da çıxılmaz vəziyyətdə qalır. Məvacib məsələləri ilə bağlı bizə dəfələrlə şikayətlər gəlirdi. Sonda yaxşı ki, bu problemi də yoluna qoyduq", - deyə E.Əzizov bildirib.

Xeberle.com