Fövqəladə Hallar Nazirliyinin Sumqayıt Regional Mərkəzi Xızı rayonunun Baxışlı kəndi və Altıağac qəsəbəsində yerləşən meşə sahələrində, eləcə də istirahət mərkəzlərində "Yanğın təhlükəsizliyi qaydaları” mövzusunda maarifləndirmə tədbiri keçirib. Xeberle.com-un məlumatına görə, tədbirdə vətəndaşlara yanğın baş verə biləcək yerlərdə, xüsusilə də meşə zolaqlarında yanğına qarşı profilaktik tədbirlər haqqında məlumat verilib. Eyni zamanda, yerli əhaliyə meşə massivlərində yanğınların baş verməsinin qarşısının vaxtında və operativ şəkildə alınması üçün bütün zəruri və qabaqlayıcı tədbirlərin görülməsi istiqamətində tövsiyələr verilib.

Tədbirdə iştirak edən vətəndaşlara yanğın təhlükəsizliyi qaydaları ilə bağlı bukletlər, təbliğat materialları paylanılmış,suallar cavablandırılıb.