Ümummilli liderin adını daşıyan parkda müasir üslubda tikilməkdə olan Heydər Əliyev Mərkəzində işlər yekunlaşmaq üzrədir.
Mütəmadi olaraq şəhərdə gedən tikinti işlərinə baş çəkən Sumqayıt şəhər İcra Hakimiyyətinin başçısı Zakir Fərəcov bu gün Heydər Əliyev Mərkəzində olub.
Şəhər rəhbəri Mərkəzin tikintisi ilə bağlı tapşırıq və tövsiyələrini verib.
4 mərtəbədən ibarət milli və müasir memarlıq ənənələrini əks etdirən möhtəşəm mərkəz artıq indidən əzəməti ilə diqqət çəkir. Burada 400 nəfərlik akt zalı, nikah mərasimlərinin keçiriləcəyi zal, gənclər üçün müzakirə və diskussiya zalları, elektron kitabxana da yaradılacaq. Möhtəşəm görünüşü ilə hər kəsi heyran edəcək mərkəzdə linqafon, internet və rəssamlıq otaqları, fotostudiya və rəqs zalı da fəaliyyət göstərəcək. Tikintisi yekunlaşmaq üzrə olan Mərkəz həm özünün unikallığı, həm də böyüklüyü ilə seçiləcək, şəhərə xüsusi yaraşıq verəcək.
Xəbərdən istifadə edərkən istinad etmək vacibdir.
