"Yeni attraksionların ilin sonuna qədər istifadəyə verilməsi planlaşdırılıb”.

Yeni il günü Bakıda möhtəşəm atəşfəşanlıq olacaq.

Bu barədə Dənizkənarı Bulvar İdarəsinin rəis müavini Nazim Məcidov məlumat verib.

Onun sözlərinə görə, paytaxt sakinləri atəşfəşanlığı dekabrın 31-i günü gecə saat 00:00-da izləyə biləcəklər.

İdarə rəisi əlavə edib ki, Yeni il şənlikləri ilə əlaqədar dekabrın 20-dən etibarən Bakı Bulvarında 10 yerdə yolka bəzədiləcək. 

Hər bir ağacın yanında isə bir Şaxta Baba və Qar Qız olacaq.

Nazim Məcidov Bulvar ərazisində yeni attraksionların hazır olacağı vaxtı da açıqlayıb:

"İtaliyada istehsal olunan yeni attraksionların yerləri artıq hazırdır. Quraşdırılması nəzərdə tutulan attraksionların ölçüləri də məlumdur və bünövrələri hazırdır. İlin sonuna qədər və ya yeni ilin əvvəllərində onların istifadəyə verilməsi planlaşdırılıb”.