Budəfəki təqdimatımız gənc idmançı, peşəkar döyüşçü Fidan Yusifova barəsində olacaq. 2003-cü ildə Gəncədə anadan olan Yusifova Fidan Kombat Ciu-Citsu döyüş növü üzrə 10 ildən çoxdur məşğul olur. Atası da məşqçi olan Fidanda idmana həvəs zala, atasının yanına gəlib-gedərkən yaranıb. Daha sonra Fidanın həvəsi artaraq idmanla peşəkar məşğul olmağa başlayıb. Aikido döyüş növü üzrə qara kəmərə namizəddir. Kombat Ciu-Citsu döyüş növü üzrə isə bir neçə beynəlxaq və Respublika yarışlarının qalibi olub. Sonuncu dəfə 19 oktyabr 2019-cu tarixində Ukraynanın paytaxtı Kiyev şəhərində keçirilən 16-17 yaş qrupunda 60 kq-lıq çəki dərəcəsində Kombat Ciu-Citsu döyüş növü üzrə Dünya çempionu adını qazanıb.