Azərbaycanda qədimdən bəri insanların taleyi ilə bağlı xəbərlər verən, öncəgörmə ilə məşğul olan insanlar olub. Onlar indi də var. Falçı, baxıcı, ekstrasens və s. adlar altında fəaliyyət göstərirlər.

Cəmiyyətdə belələrinə birmənalı münasibət yoxdur. Savadlı insanlar belə şeylərə tarixən inanmayıb, falçılığı, öncəgörməni hoqqabazlıq, əllaməçilik, xurafat və mövhumatçılıq, dindarlar isə haram və günah əməl sayıb.

Amma bu adamlara inananlar da az deyil. Nəinki az deyil, hətta düşünüləndən də çoxdur. Onların "daşdan keçən arqumenti" də var. Adətən belə iddia edirlər ki, bu insanlara "anadangəlmə vergi” verilir və bu verginin dərəcəsinə uyğun olaraq da hərəsinin öz öncəgörmə, müalicə, tale oxuma və s. metodu olur. Doğrudanmı belədir?

Suallarımızı özünü "falçı, görücü” yox, daha çox medium ekstrasens adlandıran Zərinə Ulduz cavablandırıb.

- Zərinə xanım, falçılar son vaxtlar yaman artıb. Son zamanlar yalançı falçılara da çox rast gəlinir. Bunu nə ilə əlaqələndirərdiniz?

- Demək olar ki, hər gün dırnaqarası ekstrasenslər, fırıldaq baxıcılar, hətta baxıcı adı altında min cürolub. Allah daha da betərindən qorusun. Bunları insanların cahilliyi ilə əlaqələndiriəm. Çünki biz ekstrasenslərdəfələrlə maarifləndirici söhbətlər aparmışıq.Xəbərdarlıq etmişik ki, dırnaqarası ekstrasenslərə inanmasınlar.

-Siz falçısınız, yoxsa ekstrasens?

- Mən sadəcə Allahın mənə verdiyi qeyri-adi hislərə, şəfaverici hikmətə, görücülük qabiliyyətinə malik olan, bəsirət gözü açıq olan bir insanam.

-Sizə müraciət edən insanları hansı üslullarla öyrənib müalicə edirsiniz?

- Mənə bir çox müxtəlif narahatçılıqlardan əziyyət çəkən insanlar müraciət edir.İnsanlara alternativ tibbi vasitələrlə, sağ əlimdə olan qeyri-adi bir ilahi gücün bacarığı ilə kömək edirəm. Qurani-Kərimin şəfa duaları ilə yardımçı oluram. Mənə müraciət edənlərə deyirəm ki, ilk öncə həkimə getsinlər. Əgər tibbə aydın olmayan narahatçılıqdırsa onda əlbəttə ki, mənə müraciət etsinlər. Gec yeriyən və danışan uşaqların çarəsi, şişlər və törəmələr, iflic ruhi-əsəb, bronxit və xroniki asma, oynaqlarda duz, bel,onurğa, oynaq ağrıları, baş agrıları və hər hansı bir daxili orqanın inkişafdan ləngiməsi kimi xəstəlikləri müalicə edirəm. Cin müsallatının çarəsi də bura aiddir.

-Kimisə sağaltmısınızmı heç?

- Bu günə qədər çox insanlara köməklik etmişəm. Çox faktlar, sübut var. Hətta uşaq vaxtlarından əlimi çəkdiyim insanlar şəfa tapıb.Şükürlər olsun güc rəbbimindir. Mən bir bəndəyəm.

-Siz də falçılar kimi hansısa məchul qüvvələrlə işləyirsinizmi?

- Medium metafizik varlıqlarla iltibat yarada bilən insandır. Ekstrasens isə sadəcə duyğu, qoxu, hiss toxunaraq aydınlaşdıra bilən insandır. Parapsixologiyanın sahələrivar. . Mənim məşğul olduğum sahə bir tərəfi insanlara mənəvi-psixoloji yardım etmək, düzgün istiqamət verməkdən ibarətdir. İkinci və əsas tərəf isə diaqnostika, bioenergetika və orqanizmin tarazlaşdırılması yolu ilə müayinə və müalicədir. Medium olduğum ucun asanlıqla metafizik aləmin bədənsiz varlıqlarına hökm edə bilirəm. Onları öz xidmətçimə asanlıqla çevirməyi bacarıram. Çünki parapsixologiya və metafizika sahəsində bütün gizli elmlərə malikəm. .HAVAS, HUDDAM, REML, KABBALA və sair. Bir çoxunun adını açıqlamıram. Mənəvi gizli elmlərə yiyələnmişəm. Bu sahədə çox güclü ustad ağalarım olub.

-İnsan taleyinə necə baxırsınız?

- İnsanların taleyi bir film kimi hissə-hissə gözümün önündə canlanır. Mən bütün baş verəcək hadisələri öncədən görürəm. Bəzən söyləmirəm. Vəziyyətdən çox narahat oluram. Məsələn, bir yol gedirəm, qarşıda , olanı olduğu kimi görürəm. Çox uzaqda bir qəza olub. Mən qəzanı olduğu kimi görürəm. Bu barədə çox danışmaq istəmirəm.

-Ekstrasenslərin ən əsas müştəriləri adətən imkanlılar, məşhurlar olur. Yanınıza məşhurlardan kim gəlib-gedir?

- Ümumiyyətlə istər imkanlı şəxslərdən, istərsə də məşhur sənətcilərdən çox insanlar müştərilərim olub. Tez-tez başqa ölkələrə dəvətlər alıram.

Ən maraqlısı odur ki, Türkiyədə tanınmış iş adamlarından biri (adını çəkmək istəmirəm) mənə külli miqdarda pul təklif etdi. (1 milyon dollar) Bunun müqabilində isə Türkiyəyə köçməli və o şəxsin işlərində medium kimi ona yardımçı olmağımı istədi. Təbii ki, bu təklifi rədd etdim.

-Qadın müştəriləriniz çox olur, yoxsa kişi?

-Hər iki cinsin nümayəndəsi olub. Lakin kişilər qadınlara nisbətən daha çox ekstrasens yanına gedirlər.

-Azərbaycanda bu sahədə ən güclü sizcə kimdir?

-Ümumiyyətlə, nəinki Azərbaycanda, dünyada özümə rəqib görmürəm. Söhbət Azərbaycandan gedirsə, hamı deyir Zərinə Ulduzdur. Bu da o deməkdir ki, ən güclü birmənalı özüməm.

-Bir çoxları deyir ki, baxıcılar, ekstrasenslər yalançı, fırıldaqçıdırlar. Deyirlər ki, pul alıb insanları aldadırlar.

- Dırnaqarası ekstrasenslər var ki, onlar şarlatanlardır.

Hər şeyin saxtası olduğu kimi ekstrasenslərin dəinsanlar calissinlar s saxtası var. İnsanlar düzgün seçim etsinlər ki, elələrinin qurbanına çevrilməsinlər.

- Müştəridən nə qədər pul alırsız?

-Mən maddi aləmdə olsam da, mənəvi aləmə nüfuz etmişəm. Onun üçün də mənəviyyat mənim üçün daha önəmlidir. Sadəcə Allahın mənə verdiyi güclə insanlara təmənnasız kömək edirəm.

-Məsələn, bir həftədən sonra Azərbaycanda nə baş verəcəyini deyə bilərsinizmi?

-Bir həftədən sonra Azərbaycanda tanınmış bir sima dünyasını dəyişəcək. Çox insanlara bu itki pis təsir edəcək. Sənət adamlarından şokedici yeniliklər olacaq. Yol qəzalarının sayı azalacaq, intihar hadisələri çoxalacaq. Azərbaycanı böyük uğurlar gözləyir.

Ruslan, xeberle.com