Həyatımızın gözəl anlarını sevdiyimiz insanlarla paylaşmaq - bəlkə də elə həyatın mənası, gözəlliyi bundadır! Dəyər verdiklərimizi sevindirmək, onlara gözəl anlar bəxş etmək, heç vaxt yaddaşlarından silinməyəcək günlər yaşatmaq üçün gözəl məkan seçimi çox önəmlidir. Əslində istirahət məkanının, yer seçiminin ciddi prinsipial fərqi olmamalıdır, amma gəlin razılaşaq ki, hər halda könül oxşayan, rahat, zövqlü, dəbdəbəli, ləziz təamları olan məkandan heç kim vaz keçmək istəməzdi.
Görəsən Sumqayıt sakinləri sevdiklərini, onlara yaxın olan insanları hansı restorana dəvət edərdilər? Bu dəfə Sumqayıt TV-nin əməkdaşları respondentlərə "Sevdiyiniz insanı Sumqayıtda hansı restorana dəvət edərdiniz?" sualı ilə müraciət edib.