Akademik Zərifə Əliyeva adına Respublika Milli Oftalmologiya Mərkəzinin səyyar həkim briqadası Sumqayıtda növbəti humanitar aksiyasına başlanılıb.
AzərTAc xəbər verir ki, aksiya ümummilli lider Heydər Əliyevin anadan olmasının 91-ci illiyinə həsr edilib.
Azərbaycan Prezidenti İlham Əliyevin bilavasitə tapşırığı ilə yaradılan səyyar klinika müasir diaqnostik və cərrahi avadanlıqla tam təmin edilib.
Üç gün davam edəcək humanitar aksiya çərçivəsində göz xəstəliklərindən əziyyət çəkənlərin əksəriyyəti yerindəcə müalicə olunacaq, müalicəsi qısa müddətdə mümkün olmayan xəstələr isə respublikanın tibb mərkəzlərinə göndəriləcəklər.
Aksiyanın birinci günündə müayinəyə şəhərin tələbələri cəlb olunublar.