Prezident İlham Əliyev və ailə üzvləri Heydər Əliyev Sarayının qarşısında güllərlə bəzədilmiş parkı gəzdikdən sonra əraziyə səfirlik nümayəndələri buraxılıb.

Virtualaz.org saytının əməkdaşı xəbər verir ki, Gül bayramı üçün bəzədilən Heydər Əliyev Sarayının qarşısına yalnız AzTV kanalının əməkdaşları buraxılıb. Digər media nümayəndələri isə ərazidən uzaqlaşdırılıb. Polis əməkdaşları buna əsas olaraq heç nə deməyiblər. Sadəcə olaraq göstərişin belə olduğunu söyləyiblər.

Gül bayramı daha bir hadisə ilə yadda qalıb. Bayramda iştirak etmək üçün uşaqlarını gətirən valideynlərdən biri azyaşlı uşağını itirib. Hazırda polis əməkdaşları Ömər adlı azyaşlını axtarır.

Qeyd edək ki, saat 10 radələrindən əraziyə vətəndaşların və avtomobillərin girişi qadağan edilib.

Bakı sakinlərinin Gül bayramı üçün bəzədilən parka saat 12-dən sonra buraxılacağı deyilir.