AMEA-nın Nəsimi adına Dilçilik İnstitutunun direktoru akademik Tofiq Hacıyev bu gün məzuniyyəti bitdiyi üçün işə çıxıb. Tofiq Hacıyevin instituta qayııdışı əməkdaşların sevincinə səbəb olub. İnstitut əməkdaşları ilə görüşən akademik yeni iş ilində onlara uğurlar arzulayıb. Şöbə müdirləri ilə toplantıda T.Hacıyev Azərbaycan dilinin inkişafı üçün qəbul edilmiş Dövlət Proqramının uğurla davam etdirilməsi üçün lazımi tövsiyələrini verib. Daha sonra akademik bu il Dilçilik İnstitutuna qəbul olunmuş Sanskrit , yunan və latın dilləri ixtisası magistraturanın tədris planı müzakirə edilib. Həmçinin, sentyabrın 1-dən MTRŞ ilə birlikdə Dilçilik İnstitutunun birgə layihəsi olan "Televiziyada ədəbi dilin normalarının gözlənilməsi" adlı monitorinqlərin başlanıldığı müzakirəyə səbəb olan mövzulardan olub. Bildirilib ki, monitorinqlər iki ay davam edəcək, nəticələr MTRŞ-nın təşkil etdiyi mətbuat konfransında açıqlanacaq.