İşçilər maşınlarını park etməyə yer tapa bilmir.
Sumqayıtda
yol polisi tərəfindən mərkəzi bazar, "Karvan” və "Sumqayıt Ticarət
Mərkəzi” ətrafında avtomobillərin park edilməsinə qadağa qoyulub.
Sumqayıtdakı
mənbənin sözlərinə görə, məlum qadağa bazar və ticarət mərkəzində
çalışan vətəndaşları çətin vəziyyətdə qoyub. Belə ki, işçilər
çalışdıqları obyektin yaxınlığında avtomobil park edə bilmədikləri üçün
maşınlarını əraziyə yaxın məhəllələrin içərisində saxlamalı olurlar.
Belə olan halda isə məhəllə sakinlərinin avtomobillərini park etməsi ilə
bağlı problem yaranır ki, bu da vətəndaşlar arasında narazılığa səbəb
olur. Hətta bəzi məhəllələrdə "kənar avtomobillərin” park edilməsini
önləmək üçün onların üzərinə boya atılması kimi hallar müşahidə edilir
ki, nəticədə avtomobil sahibləri əsəb gərginliyi keçirir, əlavə xərcə
düşürlər.
Bazar
və univermaq işçiləri hesab edir ki, avtomobillərin park edilməsi üçün
dayanacaq inşa edilmədən belə bir qadağanı gündəmə gətirmək yanlışdır və
bu, vətəndaşların əziyyətini artırmaq, onları digər vətəndaşlarla
üz-üzə qoymaqdan başqa bir şey deyil.
Moderator.az
Xəbərdən istifadə edərkən istinad etmək vacibdir.
