"Sumqayıt Gənclər Evi”ndə şəhər Gənclər və İdman Baş İdarəsi və Qızıl Aypara Cəmiyyəti Sumqayıt bölməsinin birgə təşkilatçılığı ilə "Beynəlxalq sülh günü” münasibətilə "Biz Sülhə səs veririk!” mövzusunda tədbir keçirilib. Bölmədən Xeberle.com-a verilən məlumata görə, Gənclər və İdman Baş İdarəsinin rəisi Elşən Baxşəliyev tədbiri giriş sözü ilə açaraq, hazırda dünyada baş verən siyasi proseslərin fonunda Azərbaycandakı siyasi stabillikdən, Azərbaycanın dünyada sülh və əmin-amanlığın bərqərar olunması və qorunmasındakı rolundan danışıb.

Sonra çıxış edən Qızıl Aypara Cəmiyyətinin Sumqayıt bölməsinin sədri Mətanət Məhərrəmova dünyada sülhün qorunmasının nə qədər vacib məsələ olduğunu vurğulayıb və bu istiqamətdə Qızıl Aypara Cəmiyyətinin gördüyü işlərdən bəhs edib.

Sumqayıt Dövlət Texniki Kollecinin tarix müəllimi Ülvi Məmmədov, Qızıl Aypara Cəmiyyəti Sumqayıt şəhər bölməsinin təlimatçısı Gülnar Tanrıverdiyeva, gənclər Elvin Dadaşov və Leyla Ağayeva isə öz çıxışlarında beynəlxalq sülh və əmin-amanlıq prosesində gənclərin də üzərinə böyük iş düşdüyünü bildiriblər.

Çıxışlarda, həmçinin Azərbaycanda sabitlik və tolerantlıq mühiti yüksək qiymətləndirilib, bütün bunların Azərbaycan Respublikası prezidenti İlham Əliyevin uğurlu siyasətinin nəticəsində mümkün olduğu vurğulanıb.