Bu gün vaxtilə planetin ən qoca sakinlərindən biri sayılan Şirəli Müslümovun vəfat elədiyi gündür.

Şirəli Müslimov 1805-ci ildə Lerik rayonunun Barzavu kəndində doğulmuş, 1973-cü ilin bu günündə vəfat etmişdi. O, 3 dəfə evlənmiş və 23 övlad sahibi olmuşdu. 1966-cı ildə Azərbaycan Kinostudiyası tərəfindən onun haqqında "Şirəli baba dağdan endi" adlı sənədli film çəkilmişdi. Şirəli baba 136 yaşında qız atası olmuşdu. Uzun ömürlülüyünə görə onun adı Ginnesin Rekordlar Kitabına düşüb.

Bir sıra tədqiqatçılar Şirəli Müslümovun 168 il yaşadığına şübhəylə yanaşıb. Onun yaşını təsdiqləyən yeganə sənəd pasportu olub. Doğum haqqında şəhadətnaməsi və ya onu əvəz edən hər hansı sənəd isə olmayıb. Elə buna görə, bəziləri iddia edir ki, guya, Şirəli babanın 168 il yaşamağı haqda deyilənlər sovet dövrünün ucuz təbliğatından savayı bir şey deyil.

Atv.az