Sumqayıtın istilik sistemi ilə tam təchiz olunması məsələsi illərdir ki, çözülməmiş qalır. Deyilənə görə, şəhər yalnız 2018-ci ildə tam olaraq istilik sistemi ilə təchiz olunacaq. Şəhər İstilik Təchizatı İdarəsinin rəisi Aftandil Nuriyevin Xeberle.com-a verdiyi açıqlamaya görə, bu il Sumqayıtda isitilik qazanxanası tikilməyib. "4 mikrorayon, 6 məhəllə və Hacı Zeynalabdin Tağıyev qəsəbəsi də daxil olmaqla, Sumqayıtda hal-hazırda 24 müasir istilik qazanxanası fəaliyyət göstərir. 215 yaşayış binası, 30 orta məktəb, 14 uşaq bağçası, 14 səhiyyə obyekti, 24 müəssisə və şirkətin inzibati binası istiliklə təmin edilir. 215 binada 1005 abonent var.
2015-ci ilin sonunadək şəhərin istilik sistemində hansısa dəyişiklik gözlənilmir." - deyə o bildirib.
Xəbərdən istifadə edərkən istinad etmək vacibdir.
