“Uşaqlarımız narkomanların əlindən çölə-bayıra çıxa bilmirlər”
Sumqayıt şəhər 45-ci məhəllə sakinləri narkomanlar əlindən dad edir. Bu barədə AzadXeber.net saytına məhəllə sakinləri məlumat verib. Sakinlərin sözlərinə görə, hər gün səhər işə gedərkən bloklar şprizlərlə dolu olur:
“Uşaqlarımız narkomanların əlindən çölə-bayıra çıxa bilmirlər. Hara baxırıq, narkomanların istifadə etdiyi şprizdir. Dünən bir nəfər narkoman polis tərəfindən bölməyə aparılarkən boğazını kəsərək intihar etmək istəyib. Səhərə qədər polislər məhləyə gəlib-gediblər. Uşaqlarımızın gələcəyindən qorxuruq. Aidiyyəti qurumlardan xahiş edirik ki, təcili bununla bağlı tədbir görsünlər.” – deyə sakinlər şikayətində bildirilir.
Xəbərdən istifadə edərkən istinad etmək vacibdir.
