Sumqayıtda "Qadın Təşəbbüsü və Sosial Problemlərin Həllinə Yardım” İctimai Birliyi ictimai müzakirə təşkil edib. İctimai müzakirə Azərbaycan Respublikası Prezidenti yaninda Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə həyata keçirilən "Sumqayıt şəhəri və yaxın regionlarda insan alverinə qarşı mübarizə sahəsində tədbirlərin təşkili” layihəsi çərçivəsində keçirilib.

Qeyd edək ki, layihə artıq altı aydır icra edilir və artıq layihə çərçivəsində son tədbirlər təşkil edilir.

Tədbir "İnsan alverinə qarşı mübarizədə içtimayətin iştrakı” mövzusunu əhatə edirdi. Müzakirədə Sumqayıt şəhəri və ətraf regionlarda fəaliyyət göstərən Qeyri-Hökümət Təşkilatlarının nümayəndələri, Kütləvi İnformasiya Vasitələrinin təmsilçiləri, insan alveri sahəsində ixtisaslaşmış jurnalistlər, hüquqşunaslar, insan hüquqları müdafiəçiləri və dövlət qurumlarının nümayəndələri iştrak edib.

İctimai müzakirəni açıq elan edən təşkilatın rəhbəri Zenfira Mustafayeva iştrakçılara layihə, layihənin icrası haqqında geniş məlumat verib. Layihənin məqsədinə nail olmaq üçün təşkil edilən tədbirlər və həmin tədbirlərin effektliyi, qarşıya çıxan problemlər haqqında geniş danışıb. Layihə çərçivəsində onlarla şəxsə pulsuz hüquqi, psixoloji və sosial işçi xidmətinin göstərildiyi, geniş miqiyaslı maarifləndirmə kompaniyasının aparıldığını vurğulayıb.

Tədbir iştrakçıları layihənin icrası barədə məlumatlı olduqlarını, bu tip layihələrin icrasının vacibliyini bildiriblər. İnsan alverinə qarşı mübarizədə ictimayyətin, ictimai qurumların, ictimai-aktiv şəxslərin iştrakının insan alverinə qarşı mübarizəyə göstərdiyi təsirdən danişilıb.

Sonda bu tip layihələrin icrasının vacibliyi, ictimai-aktiv şəxslərin layihələrin icrasına, maarifləndirmə kampaniyasının təşkilənə böyük ehtiyacların olduğu qeyd edilib.