Sumqayıta yeni təyin olunan icra başçısı Zakir Fərəcovun tapşırığı ilə ləğv edilən yarmarkanın aqibəti şəhər sakinlərini çox maraqlandırır. Yarmarkanın əvvəl yerləşdiyi ərazidə hündürmərtəbəli binaların tikintisinin planlaşdırıldığı və bu səbəbdən yarmarkanın başqa ünvanda bərpa ediləcəyi istisna olunmur. Məsələ ilə bağlı Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev Cebhe.info-ya bildirib ki, Sumqayıtdakı yarmarka təmsil etdiyi nazirlik tərəfindən təşkil olunmayıb: "Ləğv olunmuş yarmarkalar bizim nazirlik tərəfindən təşkil olunmayıb. Amma yaxın vaxtlarda Sumqayıtda və Abşeronda kənd təsərrüfatı yarmarkalarının keçirilməsi nəzərdə tutulub”.