Avtovağzalda sürüşmə təhlükəsi azalmaq üzrədir.

Bu barədə  Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının baş geoloqu Ələmdar Piriyev məlumat verib.

Ə.Piriyevin sözlərinə görə, Bakı Avtovağzalının sürüşmə baş verən ərazisində aparılan təmir-bərpa işləri sayəsində çatlarda genişlənmə dayanıb: "Təhlükə mənbəyi hesab edilən istinad divarına bərkidilmiş dəmir konstruksiyalar müvəqqəti olaraq qalıb. Onların yerinə beton dirəklər qoyulacaq, bu dirəklər torpağın dərinliyinə kimi gedəcək və divara tam dəstək olacaq. Bu da sürüşmə təhlükəsi ehtimalını azaldır”.(lent.az)