Güllə polis zabitinin budunu dəlib keçib 

Bakıda polislərə atəş açılması hadisəsinin təfərrüatı məlum olub.Gecə saatlarında 36-cı Polis Bölməsinin əməliyyat müvəkkili, polis baş leytenantı Bayramov İltifat Nizami oğlu digər polis əməkdaşları ilə birgə bölmənin ərazisinə gecə gəzintisinə çıxıb. Polis əməkdaşları R.Məmmədov küçəsi 12 ünvanında şübhəli şəxs hesab etdikləri əvvəllər məhkum olunmuş Antonov Yevgeni İqoryeviçi saxlamaq istəyiblər. Bu zaman Y.Antonov "Naqan" tipli tapançadan polislərə 4 dəfə atəş açıb. Güllələrdən biri İ.Bayramovun buduna tuş gəlib və onun sol budunun yuxarı üçdəbir hissəsini dəlib keçib.

Yaralı polis zabiti əvvəlcə 3 saylı şəhər xəstəxanasına, oradan da DİN-in hospitalına aparılıb.(lent.az)