Sumqayıt Şəhər Mədəniyyət və Turizm İdarəsi və Sumqayıt Dövlət Rəsm Qalereyasının birgə təşəbbüsü ilə 9 noyabr Azərbaycan Respublikasının Dövlət Bayrağı günü həsr olunmuş "İstedad sorağında” adlı müsabiqə keçirilib. Müsabiqənin keçirilməsində əsas məqsəd orta məktəblərlə əlaqə yaratmaq, istedadlı, yaradıcılıq qabiliyyəti olan şagirdləri üzə çıxartmaq, onlarda vətənə olan marağı daha da aşılamaqdan ibarətdir. Müsabiqə rəsm nominasiyası üzrə 2 yaş qrupunda 8-12 və 14-16 yaş qrupları arasında olub.

Müsabiqədə Sumqayıt 27 №li tam orta məktəb, Məktəbdənkənar tərbiyə işinin mərkəzi, Ekoloji Tərbiyə və Təcrübə mərkəzi, Uşaq və Yeniyetmələrin Yaradıcılıq Mərkəzinin şagirdləri iştirak ediblər. Sərgidə gənc rəssamların müxtəlif janrlarda (natürmort,mənzərə) işlədiyi ədəd rənggarlıq və iştirakçı məktəblərin ədəd rəsm işləri nümayiş edilib.

Sumqayıt şəhər Gənclər və İdman Baş İdarəsinin rəisi Elşən Baxışəliyev, Azərbaycan Rəssamlar İttifaqının üzvü, Azərbaycan Rəssamlar Akademiyasının dissertantı Nəsibə Şükürova, Sumqayıt Dövlət Rəsm Qalereyasının direktoru Ellada Həsənova və Sumqayıt Şəhər Mədəniyyət və Turizm İdarəsinin nümayəndəsi Tamara Axundovadan ibarət münsiflər heyəti əl işlərini qiymətləndirilib.

Sərgi zamanı 56 şagird molbert üzərində sərbəst mövzu əsasında çəkdikləri rəsm işlərində əsasən bayrağımızı təsvir ediblər.

8-12 yaş qrupları arasında Uşaq və Yeniyetmələrin Yaradıcılıq Mərkəzinin yetirməsi Nicat Mürsəlov I , Məktəbdənkənar tərbiyə işinin mərkəzinin yetirmələri Sübhan Bayramov və Akşin Heybətov II və III yerləri bölüşdürüblər.

12-17 yaş qrupları arasında isə Uşaq və Yeniyetmələrin Yaradıcılıq Mərkəzinin yetirməsi Firuzə Yusifova I, 27 №li tam orta məktəbin şagirdi Aytən Məmmədova II və Uşaq və Yeniyetmələrin Yaradıcılıq Mərkəzinin yetirməsi Samirə Mustafayeva III yeri tutublar.

Müsabiqədə qalib gəlmiş məktəblilər fəxri fərmanlar və hədiyyələrlə mükafatlandırılıb.

Tədbirdə Sumqayıt şəhər Olimpiya və İdman kompleksinin gimnastı Məryəm Süleymanova cıxışı və C.Cabbarlı adına Mədəniyyət evinin rəqs kollektivinin ifasında səslənən musiqi nömrələri tamaşaçılar və tədbir iştirakçıları tərəfindən maraqla qarşılanıb.