Əmək və Əhalinin Sosial Müdafiəsi nazirliyinin sabiq aparat rəhbəri Elnur Kələntərov yeni vəzifəyə təyin olunub.

AzVision.az-a daxil olan məlumata görə, E. Kələntərov 2015-ci ildə ilk dəfə Bakıda keçiriləcək 49 ölkədən 7-15 min idmançının iştirak edəcəyi Avropa Oyunlarının Cüdo yarışlarının rəhbəri təyin edilib. 

İlk dəfə olaraq ölkəmizdə keçiriləcək tarixi əhəmiyyətli belə bir tədbirin təşkilində iştirak etməyin böyük şərəf olduğunu bildirirən E.Kələntərov Milli Olimpiya Komitəsi tərəfindən ona göstərilən etimadı doğrultmağa çalışacağını deyib.

Qeyd edək ki, son 10 ildə Azərbaycan Cüdo Federasiyasında mətbuat xidmətinin rəhbərindən vitse-prezidenti vəzifəsinədək yüksələn E.Kələntərov ötən ay bu federasiyada tutduğu postdan istefa vermişdi.