Sumqayıt Gənclər Evində 9 Noyabr Azərbaycan Respublikasının Dövlət Bayrağı gününə həsr olunmuş növbəti rəsm sərgisi keçirilib. Sərgi şəhər Gənclər və İdman Baş İdarəsinin təşkilatçılığı ilə baş tutub. Sərgidə yeniyetmə və gənclərin əl işlərindən ibarət 40-dan artıq rəsm nümayiş olunub. Sərginin keçirilməsində məqsəd yeniyetmə və gənclərin vətənpərvərlik ruhunda tərbiyə olunması, dövlət atributlarımızdan olan bayrağımız və bayraq günün əhəmiyyəti, iştirakçıların bilik və bacarıqlarının üzə çıxarılması, inkişaf etdirilməsi və asudə vaxtlarının səmərəli təşkil olunmasıdır. Sərgidə nümayiş olunan əsərlərin müəllifləri arasından qaliblər münsiflər heyətinin qərarı ilə I, II və III yerlər olmaqla müəyyənləşdiriləcəkdir.
Qaliblər Baş İdarənin fəxri fərmanı ilə təltif olunacaq.