“Mən həmişə demişəm və yenə də deyirəm, ictimai münasibətlər qanundan bir addım qabaqdadır”.

Bu sözləri şərqşunas alim, Birlik.az saytının baş redaktoru Vüsal Hətəmov feysbuk səhifəsində Sumqayıt şəhərində həkim özbaşnalığına münasibət bildirərkən qeyd edib.

XeberLent.az informasiya agentliyi olaraq, həmin yazını sizlərə olduğu kimi qeyd edirik:

“Bizim cəmiyyətdə məmurlar qanun cəzasından yox, ifşa olunmalarından həya edirlər.Ona görə də bizim kimi xalqımızın əksər üzvlərinin qanına hopmuş korrupsiya virusu təkcə qanunla yox, vicdanla, dinlə təmizləmək lazımdır. 
Deməli, dünən Sumqayıtda Murad Orucov (050 3871515) adlı valideyn mənə zəng edib ki, "talassemiya daşıyıcısı olan 10 aylıq övladım 40 dərəcə qızdırma içində yanır. Həyat yoldaşım təcili yardım çağırıb. Çağırışa gələn həkim yarım saatdır evdə məni gözləyir ki, Bakıdan gələcəm buna pul verəcəm. Həkim deyir ki, mən öz şəxsi maşınımla gəlmişəm, benzin pulu istəyirəm."
Mən də zəng etdim həmin ailəyə və dedim ki, birlik.az saytının baş redaktorudur. İstəyirəm problem barədə məlumatımız olsun. Vətəndaş bizə zəng edib deyir ki, sizə benzin maşın lazımdır. Həkim mənə qayıdıb deyir ki, xeyr heç bir problem yoxdur, bu dəqiqə uşağı xəstəxanaya yerləşdirəcəyik.
Deməli buradan belə nəticə çıxır ki, Prezidentin, nazirin qanunlarından qorxmayan həkim, jurnalistlərdən çəkinirsə, bu qorxu kimi yox, onların həyası kimi dəyərləndirilməlidir. Çünki insan pis işi iki amil qarşısında etmir. Ya həya edir, ya da ki qorxur”.