ABŞ dövlət orqanları "Apple”, "Google” və "Microsoft” şirkətlərindən onların istifadəçilərinin şifrələnmiş yazışmalarına nəzarət etmək imkanı verilməsini tələb etmək niyyətindədir.

Bu barədə nüfuzlu "The Wall Street Journal” məlumat yayıb. Səbəb Parisdə baş vermiş terror aktlarıdır. Ağ Ev və Konqres üzvlərinin adları çəkilən şirkətlərlə danışıqlar aparacaqları gözlənilir.

İndiyə qədər İT şirkətləri hakimiyyət orqanlarının analoji tələblərinə mənfi yanaşıblar. "Google” və "Micosoft”dan bildiriblər ki, "etibarlı müdafiə üçün təhlükəsizliyin zəiflədilməsinin mənası yoxdur”. "Apple” isə gündə milyonlarla online-tranzaksiyanı qoruyan kodlaşdırmadan imtina etməyə hazır olmadığını və fırıldaqçıların bu durumdan yararlana biləcəklərini açıqlayıb. "Mən şifrələmə olmadan insanları necə müdafiə edəcəyimzi bilmirəm”, - deyə "Apple” rəhbəri Tim Kuk söyləyib.    

Qeyd edək ki, ABŞ müdafiə naziri Eşton Karter "İŞİD”in internet məkanındakı aktivliyi ilə mübarizə məqsədilə sosial şəbəkələrin monitorinqinə ehtiyac olduğunu vurğulayıb.(Lent.az)