"Əlil Sahibkarlar Təşkilatı" İctimai
Birliyinin ("ƏST"İB) və İsmayıllı rayon İcra Hakimiyyətinin birgə təşkilatçılığı
ilə Azərbaycan-İsrail Beynəlxalq Tibb Mərkəzinin bazasında Beynəlxalq Əlillər
Günü münasibəti ilə Bakı şəhərində " Sağlamlıq Marafonu" çərçivəsində
"AÇIQ QAPI" Xeyriyyə aksiyası keçirilib. Aksiyada imkansız və
Əlilliyi olan İsmayıllı rayon sakinlərinin təmənnasız tam tibbi müayinəsinin
reallaşdırılıb.
Tədbiri giriş sözü ilə açan "Əlil Sahibkarlar Təşkilatı"
İctimai Birliyinin sədri Mirzə Məmmədvəliyev Azərbaycan- İsrail Beynəlxalq Tibb
Mərkəzinin təsisçisi və direktoru, Sülhməramlı səfir, Seffadi adlna Beynəlxalq
İnformasiya Diplomatiya Mərkəsinin MDB üzrə rəhbəri Aleksander Şapiro- Sulimana bütün əlillər
adından təşəkkürünü bildirərək, bu marafonun bundan sonra bütün bölgələr üzrə
keçirilməsinin nəzərdə tutulduğunu vurğuladı. Sonra söz tədbirin təşkilatçısı cənab
A.Şapiro- Sulimana verildi.
A.Şapiro- Suliman bu ideyanın və eləcə də hər bir
insanın əlillərə qarşı diqqət və qayğısının vacibliyindən danışaraq, gələcəkdə
bu aksiyanın daha geniş formada keçiriləcəyinin planlaşdırıldığını vurğuladı.
Xeyriyyə aksiyasından 30-a yaxın İsmayıllıda gələn əlilliyi
olan və imkansız şəxslər faydalanaraq pulsuz tam tibbi müayinədən keçiblər. Müxtəlif xəstəliklərlə əlilliyi
olan insanların yüksək səviyyədə müayinəsi həmin insanlarda həyata inam
hissinin artdığına bir daha sübut oldu.
Belə aksiyaların ölkənin digər regionlarında da
keçirilməsi planlaşdırılır. Azərbaycan - İsrail Tibb Mərkəzi ənənələrinə
sadiq qalaraq ilkə imza atıb,hümanistlik missiyasını davamlı reallaşdırmaqdadır
və bu qəbil xeyriyyəçilik tədbirlərində əlilliyi olan şəxslərlə bərabər Azərbaycanımızın
müstəqilliyi uğrunda sağlamlığını itirmiş çoxsaylı müharibə iştirakçısı qazilərimiz
də faydalanmasına şərait yaratmaqdadır.
Xəbərdən istifadə edərkən istinad etmək vacibdir.