Xeberle.com xəbər verir ki, Moderator.az saytının yaydığı məlumata görə, Sumqayıt şəhər İcra Hakimiyyətinin başçısı Zakir Fərəcov səhiyyə işçiləri ilə görüşüb. Şəhər rəhbəri bəzi xəstəxanalarda hələ də xoşagəlməz və neqativ halların davam etdiyini vurğulayıb. 
Əsasən doğum evlərində rüşvət hallarının olması, qanunsuz abortların aparılması, tibb işçilərinin xəstələrlə davranışlarında yol verdikləri nöqsanlara toxunan icra başçısı, bəzi xəstəxanaların təmirsiz olduğunu da diqqətə çatdırıb.
Z. Fərəcov yoluxucu xəstəliklərin qarşısının alınması məqsədi ilə həkim müayinələri təşkil edilməsini, şəhər sakinlərinin ildə iki dəfə bu müayinədən keçməli olduğunu qeyd edib və bunu tibb işçiləri qarşısında bir tələb kimi qoyub.
Şəhər səhiyyə şöbəsinin müdiri Ələkbər Tağıyev çıxış edərək, səhiyyədə baş verən neqativ halların aradan qaldıracağına söz verib.