Bundan sonra isə həmin cinayətlərə görə cəzalar minimum 12 ildən başlayacaq.

Prezident İlham Əliyev tərəfindən imzalanmış “Cinayət Məcəlləsində dəyişikliklər edilməsi haqqında” qanuna əsasən ölkədə bəzi sıra cinayətlər üzrə cəzalar ağırlaşdırılıb. 

Cəzası ağırlaşdırılan cinayətlər sırasına şəxslərə qarşı zorlama, fahişəliyə məcbur etmə, məcburi sterilizasiya və ya cinsi zorakılıqla əlaqədar digər hərəkətləri etmə də daxildir.

İndiyədək bu cinayətləri törədənlər on ildən on beş ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılırdı. Bundan sonra isə həmin cinayətlərə görə cəzalar minimum 12 ildən başlayacaq. Həmin şəxslər 12 ildən 20 ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılacaq.

Bundan başqa, hər hansı əhalinin etnik tərkibini dəyişdirmək məqsədi və ya beynəlxalq hüququn başqa ciddi pozuntuları ilə müşahidə olunan zorla hamilə edilmiş qadını qanunsuz azadlıqdan məhrum etmə cəzasının da minimum həddi 10 ildən 12 ilədək, yuxarı həddi isə 15 ildən 20 ilədək artırılıb.(azertag.com)