Dekabrın 3-də Beynəlxalq Əlillər günü münasibətilə ölkədə müxtəlif tədbirlər keçirilib. Belə tədbirlərdən də biri Bakının Xəzər rayonunun Şağan qəsəbəsində yerləşən müharibə əlilləri üçün müalicə pansionatında olub. Hər il olduğu kimi bu ildə burada müalicə alan əlillər diqqətdən kənarda qalmayıb.

Müharibə əlilləri üçün müalicə pansionatının və "Mərhəmət" Kimsəsizlərə Yadım İctimai Birliyinin təşkilatçılığı ilə keçirilən tədbirdə Böyük Vətən müharibəsi veteranları, Qarabağ qaziləri, yaşlı və orta yaş nəslin hərəkət qüsurlu nümayəndələri iştirak ediblər.

Mərhəmət Kimsəsizlərə Yadım İctimai Birliyinin sədri İradə Polad bildirib ki, tədbirin kecirilməsində məqsəd hərəkət qüsurluların cəmiyyətə inteqrasiyasına yardım etmək, onların undulmadığını, daim yada salındıqlarını diqqətə çatdırmaq, habelə cəmiyyətin bu sosial təbəqəyə nəzərlərini cəlb etmək olub.

Bilrik sədri ölkəmizdə sosial qayğıya ehtiyacı olan bütün insanlar kimi, əlillərin də daim dövlətimizin diqqət və qayğısı ilə əhatə olunduğunu, onların bütün problemlərinin həlli üçün zəruri tədbirlərin həyata keçirildiyini diqqətə çatdırıb.

O, dövlət qayğısından və onların həyat şəraitinin yaxşılaşdırılması üçün həyata keçirilən layihələrdən geniş bəhs edib.

Tədbirdə fiziki və sağlamlıq imkanları məhdud şəxslərin müalicə olunduğu, səhiyyə müəssisələrində onların bu və ya digər problemlərinin həlli, cəmiyyətə fəal inteqrasiya olunması istiqamətində müvafiq işlərin görüldüyü qeyd edilib.

Sonra pansionatda müalicə alan əlillərin əl işlərindən ibarət sərgi təşkil olunub. Tədbir iştirakçıları sərgiyə baxış keçiriblər.

Pansionatda müalicə alan əlillər xüsusi diqqət və qayğıya görəyə tədbirin təşkilatçılarına minnətdarlıqlarını bildiriblər.
Bayram tədbiri süfrə arxasında davam etdirilib.
Xeberle.com