Bu gün erməni qəsbkarlarıyla döyüşdə inanılmaz şücaət göstərərək şəhid olan Mübariz İbrahimovun ölümündən 4 il ötür.

Axar.az xəbər verir ki, 1988-ci ildə Biləsuvar rayonunun Əliabad kəndində anadan olan Mübariz İbrahimov 2005-ci ildə hərbi xidmətə çağırılıb. O, Daxili Qoşunların “N” saylı hərbi hissəsinin Xüsusi Təyinatlı Bölüyündə əsgəri xidməti keçərək 2007-ci ildə çavuş, 2009-cu ildə isə gizir rütbəsində çalışdıqdan sonra öz istəyi ilə cəbhə bölgəsində hərbi xidmətə yollanıb.

2010-cu il iyunun 18-də gecə saat 23:00-da düşmənlə beş saat təkbaşına döyüşdükdən sonra şəhid olub.

Xatırladaq ki, ona ölümündən sonra Milli Qəhrəman adı verilib və Azərbaycan uğrunda göstərdiyi şücaətə görə “İlin adamı” adına layiq görülüb.