28 May stansiyasına girənlər gözlərinə inanmadılar.
Bakı Metropolitenində bir ilk yaşanıb. ANS PRESS-in məlumatına görə, bu gün metronun 28 May stansiyasına daxil olan sərnişinlər gözlərinə inanmayaıblar. Stansiyada musiqi alətlərində klassik musiqi ifa edilib. 

Metropolitenin mətbuat xidmətinin rəhbəri Nəsimi Paşayev  bildirib ki, konsert dahi bəstəkar Üzeyir Hacıbəyovun 130 illik yubileyi ilə əlaqədardır: "Bu sosial layihələrdən biridir. Dahi bəstəkarın yubileyi ilə əlaqədar müxtəlif tədbirlər keçirilir. Bizdə qərara gəldik ki, belə bir lahiyə həyata keçirək. Bu həm də metro istifadəçilərinə xoş əhval-ruhiyyə bəxş etmək məqsədi daşıyır". 

N.Paşayev layihənin bu ayın sonun qədər - hər həftənin 5-6-cı günləri olacaq. Konsert proqramını Konservatoriyanın tələbə və məzunları ifa edirlər. Onlar burada həm milli musiqi, həm də klassik musiqilər ifa edəcəklər. 

"Bu, insanların stansiyaya giriş-çıxışında da heç bir problem yaratmır. Bu layihə 28 May stansiyasıyla birgə İçərişəhər stansiyasında da davam edəcək".(ans press)