Səhərlər çiyələk, tünd şokolad, pendir yemək və yaşlı çay içmək dişləri ağardır, nəfəsi təravətləndirir.

İnterAz-ın məlumatına görə, Baverli Hillzdən olan stomatoloq Harold Kaç bu qənaətə gəlib. Onun sözlərinə görə, tünd şokoladda olan teobromin maddəsi diş emalını ağardır. Həkim hesab edir ki, südlü şokoladda isə bu təsiri almaq mümkün deyil. Bundan əlavə, tünd şokoladın  tərkibində olan süd və şəkər tozuna görə ağızda əlavə qoxu yarana bilər.

Çiyələk də dişləri ağardır. O dişdə olan ləkələri təmizləyir. Həkimin sözlərinə görə, başqa meyvələrdə bu təsiri görmək mümkün deyil.

Pendirdən istifadə ağız boşluğunda pH-nin dərəcəsini yüksəldir, turşuluğu azaldır. Bu da dişlərin rənginin saralmasının qarşısını alır. Pendirin tərkibində olan kalsium maddəsi də dişlərin möhkəm qalmasına kömək edir.

Dişlərin ağ qalması üçün yaşıl çay da çox xeyirlidir. O dişlərdə olan bakteriyaları məhv edir. Yaşıl çaydan çox istifadə edən adamlarda ağız boşluğunda ftor maddəsinin miqdarı artır və bu da dişlərin eroziyasının qarşısını alır.