Bu gün Lent.az İnformasiya Agentliyinin yarandığı gündür. 

2008-ci il iyunun 25-dən hər gün, hər dəqiqə oxucuları üçün obyektiv, operativ və dolğun xəbər lenti hazırlayan, müxtəlif səpkili layihələr həyata keçirən agentliyimizin 6 yaşı tamam olur.

Hazırda Lent.az Azərbaycanda ana dilimizdə ən böyük xəbər portallarından biridir. Portal gündəlik və operativ xəbər istehsalı ilə yanaşı, oxucularına həm də reportajlar, araşdırmalar, siyasətdən şou-biznesə qədər geniş spektrdə maraqlı materiallar təqdim edir.

Saytımızda ölkə və dünyanın maraqlı insanları haqda portret yazılar, yaxın və uzaq tarixin ən qaranlıq məqamları ilə bağlı mühüm yeniliklər işıq üzü görür.

Maraqlı layihə və rubrikaları, kəsilməz xəbər təminatı ilə qısa müddətdə populyarlıq qazanıb.

Biz də "Xeberle.com" kollektivi adından həmkarlarımızı təbrik edir, onlara yeni-yeni uğurlar arzulayırıq.