Azərbaycan Respublikasının Prezidenti yanında Gənclər Fondu tərəfindən elan olunmuş 7-ci qrant müsabiqəsində "Yeniyetmələrin sağlam həyat tərzi” mövzusunda qalib olan "Sağlam Gənclər Uğrunda” layihəsi həyata keçirilib. Layihənin rəhbəri Rahim Məmmədovdur. 

Xeberle.com-a verilən məlumata görə, layihənin məqsədi nakotiklərə qarşı mübarizə kampaniyası çərçivəsində gənclər arasında maarifləndirmə işinin daha effektiv aparılması və kütləviliyin təmin olunması üçün KİV vasitəsi ilə ictimaiyyəti məlumatlandırmaqdır. 

Layihə çərçivəsində gənclər arasında sağlam həyat tərzinin təbliği mövzusunda Salyan, Masallı və Lənkəran rayonlarında təlimlər keçirilib. Təlimlərdə 200-dən çox gənc sağlam həyat tərzinə təsir edən neqativ amillər – narkomaniya, alkoqol aludəçiliyi, siqaretin mənfi təsirləri ilə bağlı məlumatlandırılıb. Eyni zamanda bu günün əsas bəlası olan narkomaniya mövzusuna geniş yer verilib. Gənclərə bu bəlanın fəsadları, ondan qorunma yolları barəsində ətraflı təlimlər keçirilib. 

Təlimlər zamanı gənclərə mövzu ilə əlaqədar olaraq bukletlər paylanıb, video və fotolardan ibarət təqdimat göstərilib.

Təlimlərdə fəal iştirak edən gənclərə sertifikatlar verilib. Tədbirlərdə rayon icra hakimiyyətlərinin, gənclər və diman idarələrinin, təhsil şöbələrinin nümayədələri iştirak edib.
Xeberle.com