Tələbə Qəbulu üzrə Dövlət Komissiyasının (TQDK) sədri Məleykə Abbaszadə iyulun 4-də saat 11:00-da Sumqayıt şəhərində vətəndaşları qəbul edəcək.

TQDK-nın mətbuat xidmətindən AzVision.az-a verilən məlumata görə, Sumqayıt Şəhər Tarix Muzeyində (Sumqayıt şəhəri, Dostluq küçəsi. 4-cü mikrorayon) keçiriləcək qəbulda Sumqayıt şəhərinin, Abşeron, Xızı rayonlarının sakinləri və həmin rayonlarda məskunlaşmış Qubadlı, Zəngilan, Şuşa rayonlarından məcburi köçkünlər iştirak edə bilərlər.

Qəbula gəlmək istəyən vətəndaşlar Tələbə Qəbulu üzrə Dövlət Komissiyasının internet saytına daxil olaraq elektron müraciət formasını doldurmaqla qeydiyyatdan keçmələridirlər. 
(eservices.tqdk.gov.az/SedrinQebulu).

Bundan əlavə, qeydiyyata yazılmaq istəyən vətəndaşlar Sumqayıt, Abşeron və Xızı rayon təhsil şöbələrinə müraciət edə bilərlər.
Qəbula gələn vətəndaşlar şəxsiyyət vəsiqələrini təqdim etməlidirlər.