Dünyada və ölkəmizdə həyat itkisi səbəblərindən olan yol qəzalarında ölüm hallarının artmasında sürücülərlə yanaşı piyadalarında məsuliyyətsizliyi var. Cəmiyətdə yol mədəniyyətinin səviyyəsi yüksəldikcə, yol qəzalarının sayıda azalar.Bu gün gənclər də yol mədəniyyətinin müsbət istiqamətdə dəyişməsini təmin edəcək ən əhəmiyyətli qaynaqlardandır. Elə bu məqsədlə "Qırmızı işıqda Ürək Dayanmasın. Sən Dayan!” adlı layihənin icrasına başlanılmış və ilk seminar keçirilmişdir. Azərbaycan Respublikası Prezidenti yanında Gənclər Fondunun maliyyə, Sumqayıt şəhər Gənclər və İdman Baş İdarəsinin təşkilati dəstəyilə 20 dekabr 2015-ci il tarixində Sumqayıt Gənclər Evində təşkil olunan seminara 35 gənc cəlb olunub.

Seminarın başlanığıcında iştirakçılara yol hərəkət qaydaları, mədəniyyəti haqqında video çarğ nümayiş olunmuşdur. Sonra çıxış edənlər layihə rəhbəri Elvin Hüseynov və təlimçi Ziyadxan Bəşirov ölkəmizdə uğurla davam etdirilən dövlət gənclər siyasətindən, gənclərə göstərilən diqqət və qayğıdan danışmışlar. Layihənin məqsədinin yol qəzaları və bu qəzalarda insan itgisinin qarşısının alınması, yol təhlükəsizliyində işıqforun nizamlayıcısına, piyada keçidinə diqqət çəkmək, bu istiqamətdə dövlət qurumlarına ictimai dəstəyin verilməsi, yol hərəkəti təhlükəsizliyi şüurunun qazandırılması və preventiv maarifləndirmə işlərinin aparılması olduğu bildirildi.

3 saata yaxın davam edən seminarda gənclərə yol hərəkət qaydaları və mədəniyyəti, piyada və sürücünün vəzifələri, işıqforun nizamlayıcıları, yol qəzalarının baş vermə səbəbləri mövzularında nəzəri biliklər verilmiş, paktiki məşğələlər keçirilmişdir.

Sonda seminarda aktiv olan bir qrup gənclə şəhərin mərkəzi küçələrində piyada zolaqlarından istifadə etməyən, işıqforun siqnallarına əməl etməyən, avtomobili piyada keçidi və səkilərin üzərində saxlayan vətəndaşlara maarifləndirici xarakterli bukletlər təqdim olunmuşdur.