Sumqayıtın Corat qəsəbəsində qarət hadisəsi baş verib. Qonşuların Xeberle.com-a verdiyi məlumata görə bir neçə nəfər şəxs qadının evdə tək olmasından istifadə edərək içəri daxil olublar. Ev sahibəsinin əl-qolunu bağlayaraq başına torba keçiriblər. Evi qarət edən bir qrup şəxs aparılması mümkün olan hər bir şeyi götürüblər. Qonşular həmçinin bildiriblər ki, qadının yoldaşı bu yaxınlarda dünyasını dəyişibmiş, mərhumun qırx mərasimi də təzə çıxıbmış. Görünür, qarətçilər həm də qadının oğlunun işdə olmasını da əvvəlcədən müəyyən ediblər. Faktla bağlı cinayət işi açılıb. İstintaq aparılır.