Son günlər hava şəraitinin kəskin soyuması əhaliyə kommunal xidmət göstərən idarələrin faydalı iş əmsalının hansı səviyyədə olduğunu bir daha ortaya qoymuş oldu.

Paytaxt Bakını çıxmaq şərtilə, əhalini, xüsusilə enerji sahəsində təmin edən adiyatı qurumların fəaliyyəti acınacaqlı durumdadır. Sakinlərin bildirdiyinə görə, Bakı və Sumqayıt ətrafında kənd və yaşayış məntəqələrində əhalini işıq və qazla təmin etməkdə ciddi qüsurlar mövcuddur.

Azacıq hava şəraitin soyuması və ya küləyin əsməsi deyilən regionlarda işıqların söndürülməsi və qazların kəsilməsi və ya tamamilə azaldılması üçün bəhanə yaratmağa kifayət edir. "Qaynar xətt"ə zəng edəndə isə telefonu ya kimsə götürmür, ya da hər dəfə sanki əzbərləmiş olaraq, "xəttlər dəyişir, təmir gedir” kimi ifadələr eşidilir. Ancaq "Azərişıq”ın durumu bütün bunlara rəğmən, necə deyərlər "Azəriqaz”ın yanında pirə getməlidir.

Sakinlərin bildirdiyinə görə, paytaxtdan kənardakı bəzi yaşayış məntəqələrində, xüsusilə sayğacları olan yaşayış massivlərində, "Azəriqaz” əhaliyə qaz verir, amma verməmiş saymaq olar. Yəni "Azəriqaz” and içməyə qalxsa, haqlı çıxacaq, ancaq əhali közərən və bəzən verilən qazın olduqca aşağı olmasından sönən qaza olan ümmidlərini demək olar ki, tamamilə itirməkdədirlər.

Yəni "Azəriqaz” və digər qurumlara əhaliyə yetərincə enerji ilə təmin etmək üçün nəzarət sistemi yoxdurmu? Niyə havalar azacıq soyuyan kimi "Stansiya Sumqayıt” adlanan yaşayış massivinin sakinləri soyuqdan donmaları barədə fəryad edirlər? Sakinlər bildirirlər ki, idarə rəsmiləri onlara birdəfəlik, "daha bizə ümid bəsləməyin, gedin başınıza çarə tapın" desələr, özləri çarə qılarlar, qış gəlməmiş, odun və digər vasitələrdən istifadə etmək üçün çıxış yolu taparlar.(faktxeber.com)